నన్ను కలవడానికి వచ్చే మిత్రులు ఇవి తీసుకు రండి ప్లీజ్: కిషన్ రెడ్డి

తెలంగాణ బీజేపీ అధ్య‌క్షుడు, సికింద్రాబాద్ ఎంపీ కిష‌న్ రెడ్డికి ఆదివారం కొలువుదీరిన మోదీ మంత్రివ‌ర్గంలో చోటు ద‌క్కిన విష‌యం తెలిసిందే. దీంతో కిష‌న్ రెడ్డికి అభినంద‌న‌లు తెలుపుతూ ప‌లువురు ఆయ‌న‌ను క‌లుస్తున్నారు. ఈ నేప‌థ్యంలో ఎక్స్ (ట్విట్ట‌ర్) వేదిక‌గా ఆయ‌న త‌న‌ను క‌ల‌వ‌డానికి వ‌చ్చేవారికి ప్ర‌త్యేక అభ్య‌ర్థ‌న చేశారు. 

"నన్ను కలవడానికి వచ్చే మిత్రులు & శ్రేయోభిలాషులందరికీ నా వినమ్రపూర్వకమైన అభ్యర్థన. దయచేసి పూల బొకేలు, శాలువాలు, స్వీట్లు తీసుకురావొద్దు. వాటి బదులు ప్రభుత్వ పాఠశాలల విద్యార్థులకు నోట్‌బుక్‌లు లేదా స్ఫూర్తిదాయకమైన కథల పుస్తకాలు తీసుకురాగలరని మనవి" అంటూ కిష‌న్ రెడ్డి ట్వీట్ చేశారు.